தமிழ் சினிமாவில் 20 ஆண்டுகளுக்கு மேலாக ஆடை வடிவமைப்பாளராக பணியாற்றியவர் கோவிந்தராஜ் (82). இவர் கிட்டத்தட்ட 65 படங்களுக்கு மேலாக பணியாற்றியுள்ளார். இந்நிலையில் வயது முதிர்வு காரணமாக சென்னையில் இன்று (மார்ச் 24) காலமானார்.
இவர் விஜய் நடித்த 'காதலுக்கு மரியாதை, பூவே உனக்காக', அஜித் மற்றும் பார்த்திபன் இணைந்து நடித்த 'நீ வருவாய் என, சூர்ய வம்சம்' உள்ளிட்ட படங்களுக்கு பணியாற்றியுள்ளார். மேலும் ராமராஜன், கனகா, சங்கீதா போன்றவர்களுக்கு தனிப்பட்ட ஆடை வடிவமைப்பாளராக பணியாற்றியுள்ளார்.
சூப்பர் குட் பிலிம்ஸ், கே.எஸ். ரவிக்குமார், விக்ரமன் ஆகியோரது படங்களுக்கு ஆஸ்தான ஆடை வடிவமைப்பாளர் இவரே. இவரது உடல் சென்னை போரூரில் உள்ள இவரது இல்லத்தில் பொதுமக்கள் அஞ்சலிக்காக வைக்கப்பட்டுள்ளது. இவரின் மறைவுக்கு திரையுலகினர், பொதுமக்கள் அஞ்சலி செலுத்தி வருகின்றனர்.
இதையும் படிங்க: 'ரஜினிக்கு நன்றி சொன்ன முதலமைச்சர்!'
